Taj Gibson faoliyatini yakunlab, murabbiyga aylandi 🏀

Taj Gibson 17 mavsum davom etgan boy basketbolchilik faoliyatiga yakun yasagani va murabbiylikka o'tishini e'lon qildi. U ijtimoiy tarmoqdagi sahifasi orqali muxlislari va yaqinlariga minnatdorchilik bildirib, bu juda hissiyotli kun ekanligini ta'kidladi. Bruklinda o'sgan va yoshligidan orzu qilgan sportchi o'zining barcha jamoalari hamda murabbiylariga minnatdorlik bildirib, hech qanday afsuslanishlarsiz ketayotganini qayd etdi.

41 yoshli faxriy o'yinchi o'tgan mavsumni "Memfis"da yakunlagan va yaqinda "Nyu-Orlean"ga almashtirilib, so'ng jamoadan ozod qilingandi. Endilikda uning professional basketboldagi keyingi manzili ma'lum bo'ldi. U Tiago Splitter boshchiligidagi "Chikago Bullz" murabbiylar shtabiga yordamchi murabbiy sifatida qo'shilishga kelishib oldi. Avvalroq SNY.tv nashri xodimi Yan Begley "Bulls" jamoasi Taj faoliyatini tugatsa, uni ishga olishdan katta manfaatdor ekanini xabar qilgandi.

Faoliyati davomida u 2009 yilgi draftning 26-raqami sifatida tanlab olingan va USC safida uch mavsum o'ynagach, "Chikago Bullz" safida o'z faoliyatining dastlabki yetti yarim yilini o'tkazgandi. Shundan so'ng u Oklahoma Siti, Minnesota va Nyu-York Niks kabi jamoalarda to'p surdi. Faoliyatining so'nggi yillarida u Vashington, Detroyt va Sharlott sharafi ham himoya qilgan.

Umumiy hisobda u muntazam chempionatda 1012 ta uchrashuvda qatnashib, ularning 462 tasida asosiy tarkibda maydonga tushgan. U o'rtacha 22.9 daqiqa harakat qilib, 8.3 ochko, 5.7 ribaund va 1.0 blok-shot qayd etgan. Shuningdek, uning o'yinlardagi aniqligi 51.7 foizni, jarima to'plarini kiritish ko'rsatkichi esa 71.3 foizni tashkil etgan.