Liviya suv toshqinidan vayron bo'ldi 🌊

10-sentabr kuni Liviya sharqida ro'y bergan vayronkor suv toshqini Derna shahrining katta qismini yer bilan yakson qildi. BBC tarqatgan ma'lumotlarga ko'ra, Qizil Yarim Oy jamiyati fojia oqibatida kamida 11 300 kishi halok bo'lganini tasdiqlagan va minglab fuqarolar bedarak yo'qolganicha qolmoqda.

Dernaga yetib borgan BBC tasvirga olish guruhi shahar markazida qutqaruv ishlari qizg'in davom etayotganiga guvoh bo'ldi. Ayni paytda shahar markazida qutqaruvchilar, tez yordam brigadalari va sud-tibbiyot ekspertlari halok bo'lganlarni aniqlash ustida tinimsiz mehnat qilmoqda.

Biroq, fojia ko'lami ulkan bo'lishiga qaramamay, xalqaro gumanitar tashkilotlar haligacha ofat huduziga yetib kelgani yo'q. Liviya sharqiy hukumati oqova suvlari bilan ifloslangan ichimlik suvi yaqin orada eng katta muammoga aylanishidan ogohlantirmoqda.

Yuzaga kelgan og'ir vaziyat sababli Dernadan tirik qolgan aholini to'liq evakuatsiya qilish bo'yicha chaqiriqlar yangramoqda. Mutasaddilarning ta'kidlashicha, hududda toza ichimlik suvi, elektr energiyasi, dori-darmon hamda boshqa zaruriy ta'minot vositalarini yetkazib berish o'ta murakkab vazifaga aylangan.