Magomed Ankalaev Alex Pereyradan kam emas 🥊

UFC ning yarim og'ir vazn reytingida uchinchi o'rinni egallab turgan Magomed Ankalaev Jonni Uoker ustidan g'alaba qozongach, amaldagi chempion Alex Pereyra bilan uch oydan so'ng jang qilishga tayyorligini ma'lum qildi. Las-Vegasda bo'lib o'tgan UFC Fight Night 234 turnirining markaziy jangida rossiyalik sportchi raqibini ikkinchi raundning 2 daqiqayu 42 soniyasida nokautga uchratgan edi.

Matbuot anjumanida so'z olgan Ankalaev Jamax Xillga qaraganda chempionlik unvoniga ko'proq haqli ekanini ta'kidlab, UFC 300 turnirida Pereyra bilan jang qilishga tayyorligini bildirdi. U o'z xabarini yetkazishini kutayotganini va agar unga kamar uchun imkoniyat berilsa, bu jangni chiroyli hamda tomoshabop tarzda o'tkazishlarini aytdi.

Shuningdek, mag'lubiyatga uchragan Jonni Uokerga qarshi bahsda u darhol kurash usulini ishlatib parterda g'alaba qozonishi mumkin bo'lganini, biroq muxlislarga tomosha ko'rsatish uchun stoykada urishni afzal ko'rganini ta'kidladi. Ankalaev Pereyradan ustun kelish uchun kurashga vaqt sarflamasligini, chempionni oyoqda turgan holda nokaut qila olishini qo'shimcha qildi.

Eslatib o'tamiz, avvalroq Alex Pereyra o'rta vaznda nokautga uchragan bo'lib, yarim og'ir vazn toifasida ham unga juda qiyin bo'lishini va bu holatni tez orada his qilishini Ankalaev alohida ta'kidlab o'tdi.