Merab Dvalishvili Umar Nurmagomedovning magʻlubiyatiga munosabat bildirdi 🥊

Gruziyalik aralash yakkakurashlar ustasi Merab Dvalishvili rossiyalik sobiq raqibi Umar Nurmagomedovning soʻnggi jangdagi ogʻir magʻlubiyatiga munosabat bildirdi. Uning soʻzlariga koʻra, ular orasida shaxsiy adovat mavjud boʻlishiga qaramay, Umar Song Yadongdan uchratgan nokautli magʻlubiyatidan u umuman xursand boʻlmagan. Dvalishvili hech qanday sportchiga bunday ogʻir magʻlubiyat va nokautni ravo koʻrmasligini alohida taʼkidlab oʻtdi.

Shu bilan birga, грузиялик sportchi Song Yadongning chiqishi juda taʼsirli boʻlganini tan olib, bu yigit doimo xavfli ekanini oldindan bilganini aytdi. Dvalishvili Song Yadong uchun xursand ekanini, negaki u endi chempionlik unvoni uchun yangi va asosiy daʼvogarga aylanganini qayd etdi.

Maʼlumot oʻrnida eslatib oʻtamiz, joriy yilning 24-oktyabr kuni Abu-Dabi shahrida UFC 333 musobaqasi boʻlib oʻtadi. Ushbu nufuzli turnir doirasida Merab Dvalishvili Pyotr Yanga qarshi jang qilib, yengil vazn toifasidagi chempionlik kamarini qaytarib olishga harakat qiladi. Agar u mazkur bahsda zafar quchsa, Song Yadong chempion bilan jang qilish uchun asosiy daʼvogar maqomini oladi.

Merab Dvalishvilining fikricha, Song Yadong oʻz vazn toifasida yangi qon hisoblanadi va u hali bu raqib bilan toʻqnash kelmagan. Yadong kuchli nokaut qiluvchi zarba egasi boʻlgani bois uning uchun juda qiziqarli hisoblanadi. Sobiq chempion Xudo xohlasa Pyotr Yandan ustun kelishini va shundan soʻng aynan Song Yadong uning navbatdagi raqibiga aylanishini taxmin qilmoqda.