Leksler mavsumning birinchi yarmini sarhisob qildi 🏎

Sharl Lekler Belgiya Gran-prisi natijalariga ko‘ra uchinchi pog‘onaga ko‘tarildi va bu unga may oyidagi Monako g‘alabasidan buyon ilk bor shohsupaga chiqish imkonini berdi. Jorj Rassellning diskvalifikatsiyasidan so‘ng "Ferrari" vakili uchinchi o‘rinni egalladi va bu mavsumning dastlabki yarmidagi muhim natijalardan biriga aylandi.

Mavsumning ilk qismini sarhisob qilar ekan, Sharl jamoa uchun bu davr juda yaxshi o‘tganini va bundan ortig‘iga umid qilib bo‘lmasligini ta’kidladi. Uning so‘zlariga ko‘ra, jamoa avtomobilning bor salohiyatini to‘laqonli yuzaga chiqara olgan, biroq keyinchalik to‘rtta bosqichda haddan tashqari keskin sozlamalardan foydalanilgan.

Ana shu o‘ta ekstremal sozlamalar sababli saralash bahslarida poygachi mashinaning chegara imkoniyatlarini to‘la his eta olmagan. Natijada jamoa poygalarda ko‘plab ochkolarini boy berib qo‘ydi va umumiy natijalarga salbiy ta'sir ko‘rsatdi.

Shunga qaramay, oxirgi ikkita musobaqada jamoa o‘z e'tiborini yana maksimal natijalarga erishishga qaratdi. Leklerning fikricha, so‘nggi poygalarda ko‘zlangan maqsadga erishildi, faqatgina mashinaning tezligi yetishmadi. Agar ikkinchi davrada jiddiyroq muvaffaqiyatlarga erishish ko‘zlansa, asosiy e'tibor tezlikni oshirishga qaratilishi lozim.