⚽️ Derbidagi xato gol tan olindi

Angliya Premyer-ligasi hakamlar assotsiatsiyasi (Pro Ref) chempionatning 4-turi doirasida bo'lib o'tgan Manchester Yunayted va Manchester Siti uchrashuvidagi bahsli vaziyat yuzasidan bayonot e'lon qildi. Mazkur o'yin minimal hisobda shaharliklarning g'alabasi bilan yakunlangan edi.

Bahs davomida Maykl Oliver boshchiligidagi hakamlar brigadasi ish olib bordi. Bellashuvning 60-daqiqasida Manchester Siti hujumchisi Erling Xoland raqib darvozasini ishg'ol qilgan edi. Ushbu gol vaqtida hakamlar va VAR tizimi tomonidan xatoga yo'l qo'yilgani tan olindi.

BBC nashri tarqatgan ma'lumotlarga ko'ra, Entso Fernandes to'pga tegmagani aniqlangan. Shu sababli ofsayd bilan bog'liq qoidabuzarlik subyektiv xarakterga ega bo'lgan. Biroq mazkur vaziyatda videoassistent hakamlar futbolchining turgan joyining ehtimoliy oqibatlarini hisobga olmagani va bosh hakamga takroriy lavhani ko'rishni tavsiya qilishi kerakligi ta'kidlandi.

Shu kuni kechqurun Pro Ref vakillari Manchester Yunayted klubi bilan aloqaga chiqib, vaziyatni baholashda xatolikka yo'l qo'yilganini rasman tan olishdi. Hozirda yuzaga kelgan ushbu holat yuzasidan tegishli surishtiruv ishlari olib borilishi ma'lum qilindi.