Sport Yangiliklari

Marsel Jeykobs oltin medal bilan qaytdi! 🥇

23-sen 13:30 1 daqiqa 0

Marsel Jeykobs olti oylik tanaffusdan so'ng Polshdagi Orlen Cup musobaqasida 60 metrga yugurishda oltin medalni qo'lga kiritdi.

Mashhur yengil atletikachi Marsel Jeykobs rasmiy musobaqalardagi tanaffusdan so'ng g'alabali yurishini qaytadan boshladi. Sportchining asosiy maqsadi maydonga qaytish, jismoniy holatni tiklash va yana musobaqa muhitiga sho'ng'ish edi.

Polshaning Lodz shahrida bo'lib o'tgan World Indoor Tour bosqichidagi Orlen Cup musobaqasida Jeykobs 60 metrga yugurish bahslarida barcha raqiblarini ortda qoldirib, oltin medalni qo'lga kiritdi.

Bu g'alaba sportchi uchun olti oylik tanaffusdan keyingi ilk musobaqa bo'ldi. U oxirgi marta o'tgan yilning avgust oyida Germaniyaning Myunxen shahrida o'tkazilgan Yevropa chempionatida 100 metr masofaga yugurishda chempion bo'lib, oltin medalga sazovor bo'lgandi.

Saralash bosqichidan muvaffaqiyatli o'tgan yengil atletikachi hal qiluvchi poygada o'zining yuqori sport formasini ko'rsatib, yakunda shohsupaning eng yuqori pog'onasiga ko'tarildi.

Manba / Источник: Yangiliklar