Kimi Antonelli Ispaniya GP g‘olibi! 🏎

Kimi Antonelli Madrid shahridagi yangi Madring trassasida bo‘lib o‘tgan Ispaniya Grand-prisida birinchilikni qo‘lga kiritdi. Ushbu musobaqa so‘nggi 40 yildan ortiq vaqt ichida ilk bor ushbu mamlakatda qayta o‘tkazildi. Marraga birinch bo‘lib yetib kelgan 20 yoshli poygachi joriy mavsumdagi sakkizinchi g‘alabasini tantana qildi. Shuningdek, bu uning o‘tgan hafta o‘z vatani Italiyadagi zafaridan keyingi ketma-ket ikkinchi yutug‘i bo‘ldi. Natijada u shaxsiy hisobdagi ochkolar farqini jamoadoshi Jorj Rassellga nisbatan 81 ochkongacha oshirdi.

Musobaqa davomida vaziyat keskin o‘zgarib turdi. Dastlabki 14-davrada pole egasi Lando Norris raqiblaridan 6.2 soniya oldinda borayotgan edi. Biroq Aston Martin vakili Lens Strollning mashinasi tormozdagi nosozlik sababli 20-burilishda to‘xtab qolgach, virtual xavfsizlik mashinasi (VSC) ishga tushirildi. Antonelli, Rassell va Verstappen pit-stopga kirishga ulgurdi, biroq Norris pit-leyn hududidan o‘tib ketgandi. Keyingi imkoniyatda pit-stopga kirgan Norris sekinroq kechgan yetti soniyali to‘xtash va VSC rejimining tugagani sababli trassaga qaytgach beshinchi o‘ringa tushib qoldi.

Norrisdan keyin yetakchilikni qo‘lga olgan Ferrari vakili Charlz Lekler qattiq shinalarda 30 davra davomida peshqadamlikni ushlab turdi. Jamoa yana bitta VSC chiqishini kutib tavakkal qilgan bo‘lsa-da, bu sodir bo‘lmadi va 49-davrada yumshoq shinalarga o‘zgargach, to‘rtinchi o‘ringa tushdi. Shundan so‘ng Maks Verstappen peshqadamga aylandi, biroq uning mashinasi 55-davrada tormozlari bloklanishi sababli g‘alabaga bo‘lgan imkoniyatini boy berdi. Marraga Antonelli ikkinchi o‘rindagi Verstappenadan 4.351 soniya, uchinchi o‘rindagi Norrisdan esa 5.089 soniya oldinda yetib keldi.

Poygadan so‘ng Antonelli g‘alaba oson kechmagani va ayniqsa shinalarni boshqarish qiyin bo‘lganini ta’kidladi. Uning fikricha, bugungi kunda Lando Norris g‘alabaga loyiqroq edi, biroq jamoa baribir bu natijani qabul qiladi. Shuningdek, Ferrari a’zosi Lyuis Hemilton tormozdagi muammolar tufayli 9-davrada musobaqani tark etishga majbur bo‘ldi va yetakchidan 101 ochko ortda qolmoqda. Mercedes jamoasi esa Ferrari ustidan ustunligini 145 ochkoga yetkazib, umumiy hisobda 503 ochko to‘pladi. Hemilton mavsumda ularni to‘xtatib qolish imkonsiz ekanini tan oldi. Mavsum yakunlanishiga to‘qqizta poyga qolgan bo‘lib, navbatdagi bosqich 26-sentabr kuni Ozarbayjon Grand-prisi bilan davom etadi.