2026/27 yilda super-maks da'vogarlari 🏀

NBA ligasining Maxsus faxriy qoidasi o'yinchilarga liganing talab qilingan tajriba muddatini to'ldirmasdan turib, jamoa cheklovining 35% miqdoridagi maksimal maoshga ega bo'lish imkoniyatini taqdim etadi. Odatda basketbolchi 10 yillik NBA tajribasiga ega bo'lmaguncha bunday shartnoma imzolay olmaydi. Yetti yildan to'qqiz yilgacha tajribaga ega bo'lgan sportchilar uchun maksimal maosh odatda cheklovning 30 foizini tashkil qiladi, ammo Maxsus faxriy qoidasi muayyan natija mezonlarini bajargan taqdirda uni 35 foizgacha oshirish imkonini beradi. Bu norasmiy ravishda "super-maks" shartnomasi deb ataladi.

Super-maks shartnomasiga da'vogar bo'lish uchun o'yinchi zarur tajriba yillariga ega bo'lgach, ma'lum bir ko'rsatkichlarni bajarishi shart. Unga ko'ra, basketbolchi oxirgi mavsumda yoki oxirgi uch mavsumdan ikkitasida All-NBA jamoasiga kiritilishi yoxud NBAning Yilning eng yaxshi himoyachisi unvonini olishi lozim. Shuningdek, so'nggi uch mavsumning istalgan birida NBAning eng qimmat o'yinchisi (MVP) sovrinini qo'lga kiritgan bo'lishi talab etiladi.

NBA ushbu qoidani 2017 yilda joriy qilganidan buyon o'tgan mavsumlar davomida jami 14 nafar basketbolchi shunday shartnomalarga imzo chekdi. "Oklaxoma-Siti Tander" yulduzi Shay Gildjes-Aleksander 2025 yilning yozida mazkur ro'yxatga qo'shilgan so'nggi o'yinchi bo'ldi. 2017 yildan beri o'tgan davr mobaynida hech qanday o'yinchi shartnoma imzolamagan mavsumlar kamdan-kam kuzatilgan bo'lib, ulardan biri yaqinda o'tdi. Shunga qaramay, kelgusida bu maqomga da'vogarlik qilishi mumkin bo'lgan bir guruh sportchilar diqqat markazida qolmoqda.