Hartenstein ketib qolsa: Knicks markazdagi muqobillar 🏀

"New York Knicks" klubi uchun yozgi mavsumdagi eng muhim masala erkin agentga aylanayotgan Isaiah Hartenstein bilan kelishuvga erishishdir. Jamoada qolishi kutilayotgan 26 yoshli markaz o'yinchisi o'tgan mavsumni ajoyib o'tkazdi va endi katta shartnoma talab qilishi tabiiy. Biroq, klub uni ushlab qolish uchun cheklangan moliyaviy imkoniyatlarga ega bo'lib, eng ko'pi bilan to'rt yillik 72,5 million dollarlik bitim taklif qila oladi. Shu sababli, rahbariyat Hartenstein ketib qolgan taqdirda arzonroq variantlarni ham rejalashtirmoqda.

Bunday vaziyatda Mitchell Robinson tarkibda qolishi sharti bilan uch nafar markaz o'yinchisi "Knicks" e'tiborida bo'lishi mumkin. Ulardan birinchisi "Orlando Magic" safida to'p surgan 24 yoshli Goga Bitazdedir. U o'tgan mavsumda har bir o'yinda o'rtacha 5 ochko, 4,6 ta ribaund va 1,2 ta blokga erishdi. Uning maydondagi faolligi va kurashuvchanligi bosh murabbiy Tom Tibodo uslubiga mos keladi.

Ikkinchi nomzod — "Boston Celtics" safida o'ynagan va ilgari "Knicks"da ham harakat qilgan Luke Kornet. Kristaps Porzingis jarohat olgan paytda u pley-off bahslarida o'zini ijobiy tomondan ko'rsata oldi. Agar u o'zining uch ochkolik tashlash qobiliyatini yana tiklasa, Tibodo qo'l ostida jamoaga hujumda yangi imkoniyatlar olib kelishi mumkin.

Uchinchi variant sifatida "Miami Heat" vakili Thomas Bryant ko'rsatilmoqda. Uning so'nggi yillarda o'yin amaliyoti o'zgarib turgani Tom Tibodoning talablariga biroz zid kelishi mumkin, biroq Bryant halqa ostida yaxshi harakat qiladi va himoyadagi kamchiliklarini murabbiy ko'magida to'g'rilab olishi ehtimoli bor.