Barselona 60 million yevrolik transferga hozirlik ko'rmoqda 💰

"Barselona" jamoasi tarkibni kuchaytirish yo'lidagi navbatdagi qadam sifatida himoya chizig'iga e'tibor qaratmoqda. Bosh murabbiy Xansi Flik jamoa mudofaasini yanada Ishonchli qilish uchun Germaniya terma jamoasi a'zosini o'z safiga qo'shib olmoqchi. Ma'lum qilinishicha, kataloniyaliklar transfer ro'yxatida Dortmundning "Borussiya" klubi himoyachisi Niko Shlotterbek yuqori o'rinni egallab turibdi.

Mutaxassis fikricha, 26 yoshli futbolchi Pau Kubarsining markazdagi ideal sherigiga aylanishi mumkin. Flik aynan ushbu nemis o'yinchisining chap oyoqda harakat qilishi, hujumlarni ortdan boshlay olishi va yuqori darajadagi tajribasiga yuqori baho bermoqda. Shlotterbek 2022 yildan buyon Dortmund jamoasi sharafini himoya qilib kelmoqda va u aprel oyida klub bilan 2031 yilning yozigacha mo'ljallangan yangi bitim imzolagan edi.

Tarqatilgan xabarlarga ko'ra, futbolchining amaldagi shartnomasida taxminan 60 million yevro miqdoridagi tovon puli bandi mavjud. Ayni damda Transfermarkt portali himoyachining qiymatini 55 million yevro deb baholamoqda. Eslatib o'tamiz, futbolchi 2026 yilgi jahon chempionatida olgan jarohatidan so'ng tiklanish jarayonini boshdan kechirib, sentyabr oyining boshida yakka tartibdagi mashg'ulotlarga kirishgan edi.

Biroq kataloniyaliklarni mazkur transfer yo'lida jiddiy raqobat kutmoqda. Yevropaning bir qator top-klublari, jumladan "Chelsi", "Manchester Siti", "Liverpul" va "Real Madrid" ham germaniyalik futbolchiga qiziqish bildirayotgan asosiy da'vogarlar qatorida tilga olinmoqda.