Maks Fershtapen jarimaga tayyor 🏎

Formula 1 chempionati yetakchisi Maks Fershtapen mavsum yakuniga qadar yana bir bor jarima jazosini olishga tayyorligini ma'lum qildi. Bu haqda pechat va OAV vakillariga sportchining o‘zi Meksika Grand-prisi doirasida xabar berdi.

Juma kungi erkin mashg‘ulotlar davomida amaldagi chempionat yetakchisi dvigatelning g‘alati ishlashidan bir necha bor shikoyat qilgandi. Shundan kelib chiqib, shanba kuni uning poyga bolidiga tegishli yangi quvvat bloki o‘rnatildi.

Jamoa darhol jarima sanksiyalariga uchramaslik uchun mutlaqo yangi detal emas, balki joriy mavsum davomida avvalroq ham ishlatilgan eski quvvat blokidan foydalanishga qaror qildi. Shunga qaramay, mazkur uskunani ham baribir almashtirishga to‘g‘ri keladi.

Taxminlarga ko‘ra, bu holat kelasi hafta San-Paulu shahrida bo‘lib o‘tadigan bosqichda ro‘y berishi mumkin. Hozircha jamoa aniq qaysi bosqichda jarima to‘lashga borishini uzil-kesil hal qilgani yo‘q.

Fershtapning so‘zlariga ko‘ra, u mavsum tugaguniga qadar yana bir jarima olishiga to‘la tayyor. Biroq qaysi poygada aynan shunday qaror qabul qilinishi vaziyatga hamda hozirgi o‘rnatilgan dvigatel qancha muddat xizmat qilishiga bog‘liq bo‘ladi.