Karlos Sayns: Yo‘qotadigan hech anim yo‘q! 🏎

Ferrari jamoasi vakili Karlos Sayns Meksika Gran-prisi saralash bahslarida g‘alaba qozonib, faoliyatida ilk bor ushbu trassada pole-pozitsiyani qo‘lga kiritdi. Bungacha u ushbu bosqichda turli natijalarni qayd etgan bo‘lib, oxiri raqobatbardosh tezlikni namoyish etishga muvaffaq bo‘ldi. Sportchining so‘zlariga ko‘ra, Meksikadagi qiyin sharoitda ikkita toza tezkor aylanmani bajarish oson kechmagan, biroq Ostinda boshlangan ijobiy natijalar davom ettirilganidan mamnun.

Poygachi raqiblarining harakatlaridan ilhomlanib, oxirgi burilishda devorga imkon qadar yaqinroq harakatlangani va bu unga mingdan bir soniyalar yutib berishiga umid qilganini bildirdi. Shinalarni ishchi rejimga keltirish masalasiga to‘xtalib, mavsum davomida bu borada qiyinchiliklar bo‘lganini, ammo tanaffus vaqtida hamda Ostin bilan Meksikadagi bosqichlarda kiritilgan o‘zgarishlar o‘z samarasini berganini qayd etdi.

Oldinda turgan poyga haqida gapirar ekan, Sayns mashinaning tempiga ishonchi komilligini, eng murakkab vazifa start olib birinchi burilishgacha bo‘lgan masofani muvaffaqiyatli o‘tish ekanini ta’kidladi. U start chizig‘ida pozitsiyasini saqlab qolishga harakat qilishini, orqasidagi raqiblar chempionlik uchun kurashayotgani sababli ehtiyotkor bo‘lishlarini, o‘zining esa yo‘qotadigan hech nadosi yo‘qligini aytdi.

Shuningdek, poygachilarning Xalqaro avtomobil federatsiyasi bilan uchrashuvi haqida fikr bildirib, bu muloqot ijobiy o‘tganini va kelgusida qoidalar yanada takomillashishiga umid bildirdi. Mavsum oxirlab borayotgani va Ferrari mashinasi sezilarli darajada raqobatbardosh bo‘lib qolgani unga oxirgi beshta poyga oldidan optimizm bag‘ishlamoqda.