🏎 Xelmut Marko Sunodani tanqid qildi

Honda kompaniyasi va Red Bull Racing jamoasi yaponiyalik poygachi Yuki Sunodani kelgusida Serxio Peresning ehtimoliy oʻrnbosari sifatida sinab koʻrish maqsadida Abu-Dabida maxsus test sinovlarini oʻtkazish boʻyicha kelishib olgandi. Ushbu sinovlar orqali jamoa sportchining imkoniyatlarini yaqindan baholashi kerak edi.

Biroq Meksika Gran-prisi saralash bosqichida Yuki jiddiy xatoga yoʻl qoʻyib, avtomobilini qattiq shikastlab oldi. Mazkur holat Red Bull maslahatchisi Xelmut Markoning jiddiy eʼtiroziga sabab boʻldi. Uning soʻzlarini Sunoda yaqin kelajakda Maks Ferstappenga jamoadosh boʻlishni umid qilmasa ham boʻlishicha talqin qilish mumkin.

Saralashdan soʻng Germaniyaning Sky Sport telekanaliga intervyu bergan Marko sportchining harakatlarini qattiq tanqid qildi. Uning fikricha, Yuki hamon yetarlicha barqaror emas va avvalroq Ostinda ham mashinani ayltirib yuborgan edi. Jamoa uning barqarorlashganiga ishongandi, biroq bu sodir boʻlmadi.

Markoning soʻzlariga koʻra, Liam Lousonga bosim kamaygani sayin Sunodaning beqarorligi yanada koʻzga tashlanmoqda. Avariyaga uchragan mashinaga yangi tub oʻrnatilgandi, biroq jamoada zaxira qism bor-yoʻqligi nomaʼlum. Agar u boʻlmasa, eski versiyadagi tubni oʻrnatish, "yopiq park" qoidalarini buzish va poygani peshqadamlar guruhining eng oxiridan boshlashga toʻgʻri keladi.