Galatasaray klubi haqida qiziqarli faktlar 🇹🇷

Istanbul shahrining «Galatasaray» professional futbol klubi mamlakat sport jamiyatining muhim qismi hisoblanib, Turkiya chempionatida ishtirok etadi. 1905-yilda asos solingan jamoa o‘z uy uchrashuvlarini 52 mingdan ziyod muhlisni sig‘dira oladigan «Rams Park» arenasida o‘tkazadi. Klubning to‘liq nomi Galatasaray Spor Kulübü bo‘lib, uning UEFA reytingidagi o‘rni 46-pog‘onani egallab turibdi.

Tarix davomida jamoa ko‘plab rekordlarni o‘rnatgan. Jumladan, «Galatasaray» Turkiya chempionatida eng ko‘p – 19 ta chempionlik unvonini qo‘lga kiritgan jamoa hisoblanadi. Shuningdek, klub 1996–2000-yillar oralig‘ida ketma-ket 4 mavsum davomida chempionlikni hech kimga bermasdan, eng uzun g‘alabali seriyaga erishgan.

1999/2000-yilgi mavsumda turkiyaliklar UEFA Kubogini musobaqa davomida birorta ham mag‘lubiyatga uchramagan holda qo‘lga kiritgan Yevropadagi ikkita klubdan biriga aylanishdi. Bu yutuq Turkiya futboli tarixida ikkinchi nufuzli yevrokubokni bo‘ysundirgan ilk voqea bo‘lib tarixga kirdi.

Klub muxlislari o‘zlarining qizg‘in qo‘llab-quvvatlashi bilan ham tanilgan. Jumladan, 2011-yil mart oyida «Fenerbahçe»ga qarshi bahsda stadiondagi tribunalar shunday kuchli ovoz chiqarganki, natijada Ginnesning rekordlar kitobiga dunyodagi «eng baland olomon qichqirig‘i» sifatida 131,76 desibel ko‘rsatkichi bilan kiritilgan. Jamoa an'anaviy tarzda qizil va sariq rangli liboslarda maydonga tushadi.