Formula-1: Asosiy ma'lumotlar 🏎

Formula-1 jahon chempionati ochiq g'ildirakli avtomobillar o'rtasida o'tkaziladigan eng nufuzli halqali avtopoygalar musobaqasi hisoblanadi. Ushbu nufuzli chempionat Xalqaro avtomobil federatsiyasi (FIA) tomonidan tashkil etilib, unga Liberty Media kompaniyasi egalik qiladi. Musobaqaning rasmiy internet sahifasi formula1.com manzilida joylashgan bo'lib, u yerda barcha yangiliklar yoritib boriladi.

Mavsum davomida chempionat alohida bosqichlardan iborat bo'lib o'tadi va ularning har biri Gran-pri maqomiga ega. Kalendar yakuniga yetgach, yil davomidagi eng yaxshi natijalar asosida g'oliblar aniqlanadi. Turnir formatiga ko'ra, unda ham alohida poygachilar, ham butun jamoalar o'zaro raqobat olib borishadi.

Musobaqa davomida poygachilar shaxsiy jahon chempioni unvoni uchun kurashsa, jamoalar Konstruktorlar kubogini qo'lga kiritish uchun harakat qilishadi. Har bir poyga yakunida marraga dastlabki o'ntalig bo'lib yetib kelgan ishtirokchilarga ochkolar taqsimlanadi. Ballar 25-18-15-12-10-8-6-4-2-1 tizimi asosida beriladi.

Poygachilarning bosqichlarda qo'lga kiritgan har bir ochkosi ularning shaxsiy hisobiga qo'shilib, chempionlik poygasida hal qiluvchi ahamiyat kasb etadi. Shu bilan birga, bu ochkolar jamoalarning umumiy hisobiga ham yozilib, ularning Konstruktorlar kubogi uchun olib boradigan kurashidagi o'rnini belgilaydi.