Laos prezidenti oktyabr oyida Rossiyaga keladi 🇱🇦

Rossiya Federatsiyasi Prezidenti Vladimir Putin Laos prezidenti Thonglun Sisulitni oktyabr oyida Rossiyaga rasmiy tashrif bilan kelishiga umid bildirdi. Bu haqda davlat rahbari Laos vitse-prezidenti Pani Yatxotu bilan bo'lib o'tgan uchrashuv chog'ida ma'lum qildi. Uchrashuv avvalida Rossiya yetakchisi Laos rahbariga o'zining eng samimiy tilaklarini yetkazib qo'shishni so'radi.

Muloqot davomida ikki tomonlama munosabatlar ko'plab sohalarda, jumladan, harbiy yo'nalishda ham muvaffaqiyatli rivojlanib borayotgani alohida ta'kidlandi. Shuningdek, gumanitar aloqalar izchil kengayib, laoslik yoshlar Rossiya OTMlarida, xususan, Uzoq Sharq mintaqasidagi oliygohlarda tahsil olayotgani qayd etildi. Bundan tashqari, Laosdan kelgan tibbiyot mutaxassislari Rossiyada malaka oshirish kurslaridan o'tmoqda.

Rossiya rahbari ikki davlat o'rtasidagi harbiy idoralar aloqalari izchil davom etayotganini eslatib o'tdi. U barcha yo'nalishlardagi hamkorlik kelgusida yanada keng istiqbollarga ega ekanligiga ishonch bildirdi.

Shu bilan birga, uchrashuvda o'zaro hamkorlikdagi ayrim qiyinchiliklar ham e'tibordan chetda qolmadi. Xususan, Vladimir Putin moliyaviy hisob-kitoblarni amalga oshirishda ba'zi muammolar mavjudligini qayd etdi. U mazkur masalani batafsil muhokama qilib, uni hal qilish yo'llari topilganini bildirdi.