"Bryugge" himoyachisidan VAR'ga kinoya ⚽

"Bryugge" klubi himoyachisi Simon Deli Chempionlar ligasining guruh bosqich 2-turi doirasida "Real" bilan o'tgan bahsdagi hakamlik yuzasidan o'z munosabatini bildirdi. Mazkur uchrashuv 2:2 hisobidagi durang bilan yakunlangan edi.

O'yindan so'ng futbolchi o'zining Instagram sahifasida hakamlar qaroriga kinoyali munosabat bildirib, yirik klubni navbatdagi bor qutqargani uchun VAR tizimiga minnatdorchilik yo'lladi. U o'z postida bu haqda "katta rahmat" deb yozgan edi. Biroq, ko'p o'tmay mazkur storis sahifadan butunlay o'chirib yuborildi.

Eslatib o'tamiz, bahs davomida "Bryugge" 2:0 hisobida oldinda borayotgan pallada madridliklar himoyachisi Serxio Ramos raqib darvozasiga gol kiritgan edi. Ushbu vaziyatda hakamlar golni darhol hisobga olmadi, biroq videoyordamchilar hakamlar (VAR) vaziyatni tekshirib, ispaniyalik futbolchida offsayd yo'qligini tasdiqlaganidan keyin gol rasman inobatga olingan.

Chempionlar ligasining A guruhi 2-turidan keyingi holatga ko'ra, "Real" jamoasi o'z hisobida bor-yo'g'i bitta ochko jamg'argan holda turnir jadvalining so'nggi pog'onasini egallab turibdi. Mazkur guruhda esa Fransiya grandchisi "PSJ" klubi olti ochko bilan yaqqol peshqadamlik qilmoqda.