🇧🇴 Boliviya yong‘indan qochayotgan hayvonlar

Boliviya hududida shiddatli o'rmon yong'inlari davom etmoqda va bu tabiiy ofat sababli mamlakatda shanba kuni milliy favqulodda holat e'lon qilindi. Ayni paytda alanga qamrab olgan hududlardan hayvonlar xavfsiz joylarga qochishga majbur bo'lmoqda.

Mamlakat atrof-muhit vaziri Alan Lisperguerning so'zlariga ko'ra, yong'inlar boshlanganidan beri jami 3,8 million gektar maydon zarar ko'rgan. Rasmiylar yuzaga kelgan og'ish va talofatlarni bartaraf etish choralarini ko'rmoqda.

Braziliyaning yong'inlarni kuzatib boruvchi Inpe kosmik tadqiqotlar agentligi ma'lumotlariga tayanilsa, joriy yilda Boliviyada 2010-yildan buyon eng ko'p yong'inlar qayd etilgan. Faqatgina 2024 yilning o'zida kamida 3 million gektar maydon yo'q bo'lgan.

Mazkur inqirozli vaziyat Janubiy Amerikada har yili avgust va sentabr oylariga to'g'ri keladigan yong'inlar mavsumining eng cho'qqisiga chiqqan davriga to'g'ri kelmoqda. Mintaqadagi quruq va issiq ob-havo sharoiti vaziyatni yanada og'irlashtirmoqda.