Yurak va sog'lik: tongi odatlarimiz 🫀

Yurak kasalliklari global miqyosda insonlar o'limiga sabab bo'layotgan eng asosiy omil sifatida qayd etilmoqda. Shu bois, xastalik xurujining ilk alomatlarini o'z vaqtida payqash hamda malakali shifokor bilan maslahatlashish hayotiy ahamiyatga ega ekanligi mutaxassislar tomonidan bot-bot ta'kidlanib kelinadi.

Bugungi kunda tongda uyqudan turiboq darhol qo'lga telefon olish, turli messenjerlar hamda ijtimoiy tarmoqlardagi xabarlarni varaqlash ko'pchilikning kundalik odatiga aylangan. Biroq tibbiyot xodimlarining ogohlantirishicha, inson yangi uyg'ongan dastlabki daqiqalardayoq miyasiga juda katta hajmda axborot yuklashi organizm uchun aslo beiz ketmaydi.

Ushbu holat, xususan, markaziy asab tizimiga salbiy ta'sir ko'rsatib, uning faoliyatini izdan chiqarishi mumkin. Shifokorlar tonggi vaqtlarda axborot oqimidan biroz tijilib turishni va organizmga tinchgina uyg'onish imkonini berishni tavsiya etishmoqda.