⛸ "Muzlik davri" shousining barcha ishtirokchilari

2026-yilda tomoshabinlar e'tiboriga havola etiladigan "Muzlik davri" shousining yangi mavsumi bo'yicha so'nggi tafsilotlar ma'lum bo'ldi. Ushbu mashhur loyihaning navbatdagi mavsumini suratga olish ishlari joriy haftaning o'zidayoq boshlanishi rejalashtirilgan.

Sport24 nashrining xabar berishicha, bo'lajak loyihada jami o'nta juftlik ishtirok etadi. E'tiborlisi, ushbu mavsumdagi barcha duetlarda professional figurali uchuvchilar ayol sherik vazifasini bajaradi.

Muz ustida o'z mahoratini ko'rsatadigan taniqli sportchilar ro'yxatidan Aleksandra Trusova, Anna Shcherbakova, Alyona Kostornaya, Yelizaveta Xudayberdiyeva, Aleksandra Stepanova, Tatiana Volosozar, Yelizaveta Tuktamisheva, Yevgeniya Tarasova, Tatiana Totmyanina va Sofya Akatyeva joy olgan.

Ma'lum bo'lishicha, professional sportchilar qatorida yana bir taniqli figurali uchuvchi ham loyihada o'ziga xos rol o'ynaydi. Ikki karra jahon chempioni Yevgeniya Medvedeva ushbu loyihada hakamlar hay'ati a'zosi sifatida qatnashishni rejalashtirmoqda.

Bundan tashqari, tashkiliy jarayonlarga oid ayrim tafsilotlar ham ochiqlangan. Xususan, Aleksandra Trusova aktyor Ivan Jvakin bilan juftlik hosil qilgan holda muz ustida chiqish qilishi ma'lum bo'lgan. Shouning boshlovchisi vazifasini esa yana bir bor oqimpida chempioni Alina Zagitova bajarishi kutilmoqda.