Yurak va ertalabki odatlar 🩺

Mutaxassislarning ta'kidlashicha, yurak xastaliklari butun dunyo bo'ylab insonlar o'limiga sabab bo'layotgan asosiy xavf omili hisoblanadi. Shu sababli yurak xuruji xavfini o'z vaqtida payqash hamda zudlik bilan shifokor bilan maslahatlashish hayotiy ahamiyatga ega ekanligi qayd etildi.

Bugungi kunda ko'pchilik insonlar tongda uyqudan turiboq qo'liga telefon olishni va ijtimoiy tarmoqlardagi xabarlarni o'qishni odat tusiga kiritgan. Biroq shifokorlar uyg'ongandan keyingi dastlabki daqiqalardayoq miyaga ortiqcha va katta hajhdagi axborotni yuklash noto'g'ri ekanini aytmoqda.

Mutaxassislarning tushuntirishicha, tonggi paytda miyani axborot bilan to'ldirish asab tizimiga salbiy ta'sir ko'rsatadi. Shu bois sog'likni asrash uchun ertalabki odatlarni qayta ko'rib chiqish tavsiya etiladi.