⚽️ Superliga o'yinchilariga JCh va Yevro yo'q!

UEFA prezidenti Aleksandr Cheferin Yevropa Superligasida qatnashishni rejalashtirayotgan yoki o'ynaydigan futbolchilar uchun jiddiy cheklovlar joriy etilishini tasdiqladi. Uning bayonotiga ko'ra, bunday turnirlarda ishtirok etuvchi sportchilar xalqaro miqyosdagi eng yirik musobaqalar — jahon va Yevropa chempionatlaridan chetlatiladi.

Rahbar o'z so'zida ushbu taqiq futbolchilarning terma jamoalardagi faoliyatiga ham to'g'ridan-to'g'ri ta'sir qilishini alohida ta'kidlab o'tdi. Xususan, Superligada o'ynaydigan sportchilarga o'z mamlakatlari milliy terma jamoalari safida maydonga tushishga ham aslo ruxsat berilmaydi.

Mazkur qat'iy qaror futbol olamida katta shovshuvlarga sabab bo'lgan Superliga loyihasiga qarshi kurashda UEFAning asosiy choralaridan biri sifatida e'lon qilindi. Tashkilot rahbariyati futbolchilar klub darajasidagi bunday musobaqalarni tanlasalar, xalqaro miqyosdagi sharaf va terma jamoadagi faoliyatidan voz kechishiga to'g'ri kelishini ochiq ko'rsatib qo'ydi.