Deyan Lovren "Zenit"ga o'tgani haqida ⚽

Rossiyaning «Zenit» klubi safiga qo'shilgan tajribali futbolchi Deyan Lovren yangi jamoasiga ko'chib o'tgani haqidagi taassurotlari bilan o'rtoqlashdi. U o'zining yangi jamoaga o'tganidan juda mamnun ekanini va faxr tuyishini yashirmadi. Shuningdek, transfer amalga oshishida yordam bergani uchun Sergey Semak hamda Aleksandr Medvedevga o'zining minnatdorchiligini yetkazdi.

Sportchining so'zlariga ko'ra, u «Zenit»ga kelishidan avval ham bu klub Rossiyaning eng kuchli jamoasi ekanligini, so'nggi ikki mavsumda chempionlikni qo'lga kiritgani va joriy mavsumda mamlakat Kubogiga ega chiqqanini yaxshi bilgan. Uni bu jamoaga chorlagan asosiy omillardan biri nafaqat sovrinlar, balki tarkibdagi yuqori saviyali o'yinchilar bo'lgan.

Lovrennning fikricha, klubning Yevropa maydonlarida, xususan Chempionlar ligasida ko'proq ishtirok etishga intilishi uni o'ziga rom etgan. Futbolchi bu narsa o'zi uchun juda muhimligini, bungacha ham mazkur turnirda yaxshi natijalar ko'rsatganini esga olib, endi o'z tajribasini yangi jamoadoshlariga ulashish hamda jamoaning yanada oldinga siljishiga ko'maklashish niyatida ekanini bildirdi.

Suhbat davomida himoyachi 2018 yilgi Jahon chempionati vaqtida Xorvatiya terma jamoasi bilan Rossiyada bo'lganini ham esladi. U o'shanda Peterburg yaqinidagi Roshino shaharchasida yashagani, shahar bo'ylab ko'p aylana olmagan bo'lsa-da, u yer dunyoning eng chiroyli shaharlaridan biri degan taassurot qoldirganini ta'kidladi. Rossiya JCHni ajoyib darajada o'tkazganini e'tirof etgan futbolchi, bungacha 2014 yilda Braziliyada o'tgan mundialda ham qatnashganini qo'shimcha qildi.