A Seriya: "Yuventus" "Roma"ni mag'lub etdi ⚽

Italiya A Seriyasining sakkizinchi turi doirasida haqiqiy markaziy to'qnashuv bo'lib o'tdi. Unda Turinning "Yuventus" klubi o'z maydonida Rimning "Roma" jamoasini qabul qildi va minimal hisobda g'alaba qozondi.

O'yinning boshlang'ich qismidayoq mezbonlar faollik ko'rsatishdi. Uchrashuvning 16-daqiqasida Moayze Kin kiritgan gol turinliklarga ustunlik taqdim etdi va bu to'p o'yin oxirigacha yagona bo'lib qoldi. Birinchi bo'lim yakunlanishi arafasida rimliklarda hisobni tenglashtirish uchun qulay imkoniyat yuzaga keldi, biroq Vереtu penaltidan foydalana olmadi.

Ikkinchi bo'limda ham kurashlarga boy voqealar davom etdi. Bellashuvning 81-daqiqasida O'zbekiston milliy terma jamoasi hujumchisi Eldor Shomurodov zaxiradan maydonga tushdi. Legionerimiz maydonga qo'shilganidan ko'p o'tmay, ya'ni 85-daqiqada hakam tomonidan sariq kartochka bilan ogohlantirildi.

Ushbu bahsda har ikki jamoa futbolchilari ko'plab qoidabuzarliklarga yo'l qo'yishdi va hakam bir nechta sariq kartochkalarni ko'rsatishga majbur bo'ldi. Xususan, Shchenсны, Abraxam, De Shilo, El-Shaaravi, Danilo, Manchini va Karsdorp ham ogohlantirish olgan futbolchilar qatoridan joy olishdi.