"Spartak" Ivan Karpov xabarini rad etdi 🔴

Moskvaning "Spartak" futbol klubi matbuot xizmati rahbari Dmitriy Zelenov taniqli insayder Ivan Karpov tarqatgan so'nggi xabarlarga rasmiy munosabat bildirdi. Uning so'zlariga ko'ra, klub rahbariyati jamoaning bosh murabbiyiga cheksiz darajada ishonch bildiradi va tarqalgan mish-mishlar haqiqatga to'g'ri kelmaydi.

Avvalroq jurnalist Ivan Karpov o'z kanalida "Spartak" rahbariyati bosh murabbiy lavozimi uchun uch nafar mutaxassis – Igor Osinkin, Andrey Talalayev hamda Mixail Galaktionov nomzodlarini ko'rib chiqayotgani haqida xabar bergan edi. Insayderning ma'lumotiga ko'ra, ushbu ro'yxatda Andrey Talalayev asosiy favoriy sifatida ko'rsatilgandi.

Biroq Dmitriy Zelenov bu ma'lumotni keskin rad etib, uni mutlaqo asossiz va bo'lmagan gap deb atadi. Uning ta'kidlashicha, murabbiy o'rniga biror-bir nomzod qidirilmayapti va bu masala umuman muhokama qilinmayapti, chunki mutaxassis klubdagi ishini endigina boshlagan xolos.