🏀 "Bulls" Steysi Kingni xotirlaydi

"Chicago Bulls" klubi o'zining rasmiy bayonotida sobiq basketbolchi va mashhur sharhlovchi Steysi Kingni 2026/27 yilgi mavsum davomida yod etishini ma'lum qildi. Bu qaror iyun oyida hayotdan ko'z yumgan sportchining xotirasiga bag'ishlanadi.

Kelgusi mavsumda jamoa a'zolari kiyadigan liboslarning yuqori chap qismida maxsus lenta bo'ladi. Ushbu lentalarga "King" so'zi yozilgan bo'lib, uning tarkibidagi "I" harfi mikrofon shaklida tasvirlanadi. Bu dizayn marhumning Chikago jamoasida sharhlovchi sifatida o'tkazgan yigirma yillik faoliyatiga hurmat ramzi hisoblanadi.

Bundan tashqari, klub 2027 yilning 4 fevralida "Oklahoma City Thunder" jamoasiga qarshi o'z uyida o'tkaziladigan bahsni "Stacey King Celebration Night" deb e'lon qildi. Ushbu sana Kingning 29 yanvardagi tug'ilgan kunidan keyingi ilk uy o'yiniga to'g'ri keladi va u 60 yoshga to'lishi kerak edi. Hozircha bayram tadbirlarining batafsil tafsilotlari keyinroq e'lon qilinishi aytilgan.

Ma'lumot uchun, Steysi King 1989 yilgi NBA draftining oltinchi raqami sifatida tanlab olingan edi. U o'z faoliyatining dastlabki to'rt yarim mavsumini "Bulls" safida o'tkazib, 1991, 1992 va 1993 yillarda chempionlik unvonini qo'lga kiritgan.

O'yinchi sifatidagi faoliyatini yakunlab, murabbiylikda ham o'zini sinab ko'rganidan so'ng, u jamoaning teleko'rsatuvlarida faoliyat yurit boshlagan. King dastlab tahlilchi, keyinchalik esa asosiy sharhlovchi lavozimida ishlagan va uch oy oldin 59 yoshida vafot etgandi.