Ertaga Toshkentdagi “O'zbekiston” sport saroyida Butunjahon boks seriyasi (WSB) turnirining hal qiluvchi final jangi o'tkaziladi. Oltinchi mavsum g'olibligi uchun Kubaning “Cuba Domadores” hamda Britaniyaning “British Lionhearts” jamoalari o'zaro kuch sinashadi. Bellashuvlar 10 ta vazn toifasida kechadi, hisob teng kelib qolsa, g'olibni aniqlash uchun qo'shimcha jang belgilanadi. Eslatib o'tamiz, yarim finalda “O'zbekiston Yo'lbarslari” Kubaga, britaniyaliklar esa Qozog'iston jamoasiga qarshi ringga chiqqandi. Bugun musobaqa finalchilari ishtirokida matbuot anjumani o'tkaziladi. 🏆 Reyting janglari muxlislarni qizg'ich bahslar kutayotganidan darak bermoqda 🥇