Alonso Madridagi Gran-pri haqida gapirdi 🏎

2026-yilgi Ispaniya Gran-prisi oldidan o'tkazilgan ilk matbuot anjumanida Aston Martin poygachisi Fernando Alonso o'z fikrlari bilan o'rtoqlashdi. Joriy mavsumda Ispaniyada ikkita bosqich o'tkazilishi va xususan, Formula-1 45 yillik tanaffusdan so'ng Madridga qaytayotgani ispaniyalik sportchi uchun o'zgacha ahamiyat kasb etmoqda. U yangi trasada bahs olib borish barcha ishtirokchilar uchun o'ziga xos sinov bo'lishini ta'kidladi.

Alonso simulyatorda yangi trasa bilan tanishib chiqqanini, biroq asl holatni mashg'ulotlar davomida sinab ko'rish kerakligini aytdi. Yangi reglament talablari, energiya taqsimoti, asfalt qoplamasining yopishqoqligi va g'ildiraklarning bordyurlarga urilish darajasi jamoalarga qiyinchilik tug'dirishi mumkin. Ayniqsa, ko'cha trasalarida mashina tezligi va trasa evolyutsiyasi o'zgarib turishini hisobga olib, imkon qadar ko'proq aylanishlarni bajarish muhim vazifa hisoblanadi.

Monza poygasiga nisbatan bu yerda raqobatbardoshroq bo'lishni kutayotganini bildirgan tajribali poygachi, avtomobil ishonchliligi va muammosiz harakatlanish asosiy kalit ekanini qo'shimcha qildi. Shuningdek, matbuot anjumanida Alonsoning 2027-yildagi kelajak rejalari haqidagi savolga u tez orada hech qanday yangilik e'lon qilinmasligini va buni hozircha sir saqlashni ma'qul ko'rishini aytdi.