🏎 Xyulkenberg Singapurda ochko oldi!

Singapurda yakunlangan Formula-1 bosqichida "Haas" jamoasi poygachisi Niko Xyulkenberg yuqori o'ntalikka kirib, jamoasi hisobiga ikkita ochko yozdirib qo'yishga muvaffaq bo'ldi. U poyganito'qqizinchi bo'lib yakunladi va dam olish kunlaridagi natijasidan mamnunligini bildirdi.

Poygachining ta'kidlashicha, musobaqa unchalik voqealarga boy kechmagan bo'lsa-da, u xatolarsiz harakat qilgan. Ayniqsa, ikkinchi kesmada "Red Bull" poygachisini ortda ushlab turish qiyin kechgan, biroq Xyulkenberg bu vazifani uddalagan. Uning fikricha, o'tgan haftadagi omadsizliklar uchun bu kichik bir kompensatsiya bo'ldi. Shuningdek, shanba kungi muvaffaqiyatli saralash va ishonchli start ochko keltirgan asosiy omillardan biri bo'lganini qo'shimcha qildi.

Jamoaning ikkinchi poygachisi Kevin Magnussen uchun esa poyga omadsiz boshlandi va u oxirgi o'rinda tasniflandi. Uning so'zlariga ko'ra, poyga davomida shinalardan biri shikastlanib, teshilgan. "Hard" kompaundidagi shinalarda tezlik yetishmagach, jamoa xavfsizlik mashinasi chiqishidan umid qilib, birinchi kesmani ataylab uzaytirishga harakat qilgan. Biroq oxir-oqibat masofani qisqartirishga to'g'ri kelgan va shina nosozligi natijaga salbiy ta'sir ko'rsatdi.

Shunga qaramay, Magnussen so'nggi bosqichlarda jamoaning tezligi yaxshi bo'lganini qayd etdi. "Haas" mavsumning qolgan qismini yuqori savajada o'tkazish maqsadida Ostitdagi navbatdagi poyga uchun mashinani modernizatsiya qilishni rejalashtirmoqda.