🏎 Aston Martin Rassell haqidagi mish-mishlarni rad etdi

O'tgan hafta ommaviy axborot vositalarida Aston Martin jamoasi kelasi mavsum uchun hozircha shartnomaga ega bo'lmagan britaniyalik pilot Jorj Rassellni o'z safiga qo'shib olishni rejalashtirayotgani haqida xabarlar chiqqan edi. Bir nechta manbalar Silverstounda joylashgan jamoa ushbu pilotning xizmatlariga qiziqish bildirayotganini ta'kidlagandi.

Jurnalistlar mazkur vaziyatga oydinlik kiritish maqsadida Aston Martin matbuot xizmatiga murojaat qilishdi. Kutilganidek, jamoa vakillari tarqalgan mish-mishlar haqiqatdan yiroq ekanini va hech qanday asosga ega emasligini ma'lum qilishdi.

Matbuot xizmati bergan rasmiy bayonotda OAV vakillari uchun pilotlar bozoridagi vaziyatni muhokama qilish odatiy hol ekani qayd etildi. Shu bilan birga, jamoa hozirda ajoyib tarkibga ega ekani va mavjud pilotlar bilan 2026-yil hamda undan keyingi yillarga mo'ljallangan shartnomalar imzolangani eslatib o'tildi.

Kollektiv hozirgi vaqtda barcha kuchini pilotlarga yanada barqaror va raqobatbardosh avtomobil taqdim etishga yo'naltirgan. Jamoa vakillarining fikricha, maqsad amalga oshib, texnika yaxshilangach, ularning har ikki pilot ham yuqori natijalarga erisha oladi.