Sport Yangiliklari

⚽️ Germaniya Kyurasoga qarshi bahsga shay!

16-sen 22:30 1 daqiqa 0

Germaniya terma jamoasining 2026 yilgi jahon chempionati doirasidagi Kyurasoga qarshi o'yin uchun taxminiy asosiy tarkibi e'lon qilindi.

Germaniya terma jamoasi 2026 yilgi jahon chempionati E guruhining ilk uchrashuvida Kyuraso jamoasiga qarshi bahs olib boradi. Ushbu o'yinda to'rt karra jahon chempionlari safida darvozani qaytadan Manuel Noyer qo'riqlashi kutilmoqda. Tajribali darvozabon so'nggi paytlarda boldiridan jarohat olgan edi va deyarli ikki yillik tanaffusdan so'ng terma jamoaga qaytdi.

Garchi nemislar yozgi turnirning yaqqol favoriti sifatida ko'rilmayotgan bo'lsa-da, bosh murabbiy Yulian Nagelsmann iqtidorli yulduzlarga ega. Jumladan, Chempionlar ligasi finalida Arsenal darvozasini ishg'ol qilgan Kay Haverts jamoaning hujum chizig'ida harakat qilishi kutilmoqda. Shuningdek, Liverpuldagi ilk mavsumi qiyin kechganiga qaramмай, Florian Virts ham asosiy tarkibdan joy olishi kutilayotgan muhim o'yinchilardan biridir.

Maydon markazida raqobat kuchli bo'lishiga qaramay, Feliks Nmexa va Aleksandar Pavlovich tandemiga imkoniyat berilishi taxmin qilinmoqda. Himoya chizig'ida Joshua Kimmix va Jonatan Ta maydonga tushishi kutilayotgan bo'lsa, Leroy Sane va Jamal Musiala ham asosiy tarkibdan joy olishi tayin.

Germaniyaning taxminiy asosiy tarkibi quyidagicha ko'rinish olgan: Noyer, Kimmix, Ta, Shlotterbek, Braun, F. Nmecha, Pavlovic, Sane, Musiala, Virts, Havertz.

Manba / Источник: Yangiliklar