🏎️ Red Bull McLaren old qanotini tekshirmoqchi

McLaren jamoasi MCL38 bolidining orqa qanoti egilishi bilan bog'liq bahslarga yakun yasashga qaror qildi. Ushbu qism FIAning barcha tekshiruvlaridan muvaffaqiyatli o'tgan va federatsiyaning e'tirozlari yo'q edi. Shunga qaramay, britaniyalik jamoa hech qanday savollar tug'ilmasligi uchun konstruksiyaga o'zgartirish kiritish yo'lini tanladi.

Red Bull jamoasining avtosport bo'yicha maslahatchisi Xelmut Marko raqiblarning bu qaroridan mamnun ekanini yashirmadi. U endi McLaren jamoasining old qanoti konstruksiyasini ham diqqat bilan o'rganib chiqish vaqti kelganini ma'lum qildi, chunki Red Bull Racing da bu qism yuzasidan ham savollar mavjud.

Nemis telekanaliga bergan intervyusida Marko tomoshabinlar kabi ular ham televideniye orqali McLaren orqa qanotining harakat vaqtida qanday egilishini ko'rganini ta'kidladi. Uning fikricha, qoidalar harakat vaqtida qanotning egilishini qat'iy taqiqlaydi va FIA tekshiruvlari boshqa masala, poygada sodir bo'layotgan jarayon esa mutlaqo o'zgadir.

Avstriya telekanaliga bergan keyingi bayonotida Marko jamoa orqa qanot yuzasidan uch marotaba e'tiroz bildirganini esladi. U FIAning so'nggi qarorini to'g'ri deb atab, McLaren orqa qanotiga ruxsat berilmaganini qayd etdi va e'tiborni darhol old qanotga qaratish lozimligini qo'shimcha qildi.