⚽️ 2022 yilgi JCh oldidan FIFA kunlari belgilandi

Xalqaro futbol federatsiyasi Qatarda boʻlib oʻtadigan jahon chempionatiga tayyorgarlik jarayoni boʻyicha muhim qoidalarni eʼlon qildi. Unga koʻra, futbolchilarni milliy terma jamoalarga qoʻyib yuborish hamda oʻртоqlik uchrashuvlarini tashkil etish masalalariga aniqlik kiritildi.

Tashkilot xabarida eslatilishicha, 2015-yilda FIFA Ijroiya qoʻmitasi tomonidan 2022-yilgi mundialga tayyorgarlik davri 14–20-noyabr kunlari etib belgilangan edi. Ushbu muddat davomida chempionatda qatnashuvchi 32 ta assotsiatsiyaga oʻz futbolchilarini klublardan majburiy ravishда olish huquqi beriladi. Bu tartib tegishli nizomlar va transfer qoidalariga asoslanadi.

Mazkur davrda terma jamoa ixtiyoriga kelgan barcha futbolchilar FIFAning Klublarni himoya qilish dasturi orqali sugʻurtalanadi. Shuningdek, tashkilot milliy chempionatlar taqvimini kuzatib borib, futbolchilarning tayyorgarlik koʻrishi uchun 14-noyabrdan boshlab ichki musobaqalarni vaqtincha toʻxtatishga qaror qildi.

Jahon chempionatida qatnashmaydigan terma jamoalar ham ushbu oraliqda oʻртоqlik uchrashuvlarini tashkil etishi mumkin. FIFA barcha klublar va assotsiatsiyalarni koʻrsatilgan sanalarda nazorat oʻyinlarini rejalashtirishga chaqirmoqda. Ushbu jarayonni qoʻllab-quvvatlash maqsadida tashkilot koʻrsatilgan davrdagi barcha oʻртоqlik uchrashuvlarini moliyalashtirish hamda himoya qilish koʻlamini kengaytirish boʻyicha qoʻshimcha choralar koʻrdi.