Dalano Benton Xitoy klubiga o'tdi 🏀

Basketbolchi Dalano Benton faoliyatida keskin burilish yasalib, u o'zining ilk xalqaro shartnomasiga imzo chekdi. U Xitoyning "Shandong Hi-Speed Kirin" klubiga ko'chib o'tdi.

O'tgan yillarda Benton NBAda turli jamoalar safida harakat qilgan. Xususan, u 2024/25-yilgi mavsumda "Trail Blazers" safida rekord darajadagi 67 ta o'yinda maydonga tushib, o'rtacha 8.3 ochko va 3.4 ta golli uzatma amalga oshirgan edi. Biroq o'tgan mavsumda u NBAda bor-yo'g'i oltita uchrashuvda qatnashdi xolos.

Bo'yi 203 sm bo'lgan himoyachi o'tgan mavsumning katta qismini "Mavericks"ning G-Ligadagi farm-klubi "Texas Legends"da o'tkazdi. U ushbu jamoa safida 44 ta uchrashuvda harakat qilib, o'rtacha 24.9 ochko va 6.9 ta uzatma qayd etishga muvaffaq bo'ldi. Faoliyati davomida u NBAning 222 ta o'yinida maydonga tushgan.

Yaqinda 26 yoshni qarshi olgan basketbolchiga "Olimpiakos", "Beshiktosh" va Ispaniyaning bir nechta klublari qiziqish bildirgan edi. Biroq u faoliyatini Xitoy basketbol assotsiatsiyasida davom ettirishni ma'qul ko'rdi. Ta'kidlash joizki, "Shandong" jamoasi safida avvalroq Markes Kris va Keyonte Jonson kabi sobiq NBA o'yinchilari ham to'p surgan.