UFC reytinglarni sun'iy intellektga topshirishi mumkin 🤖

UFC rahbari Dana Uayt tashkilot reytinglarini tuzish jarayonini yaqin kelajakda sun'iy intellektga topshirish ehtimoli borligini ma'lum qildi. Bu haqda u Las-Vegasda boʻlib oʻtgan matbuot anjumanida jurnalistlar bilan suhbatda aytib oʻtdi.

Uaytning soʻzlariga koʻra, u zamonaviy texnologiyalar imkoniyatlaridan mamnun va sun'iy intellekt reyting tuzish vazifasini oʻz zimmasiga olishi uchun koʻp vaqt qolmagani, bu esa ijobiy holat ekanini ta'kidlagan.

Rasmiy ma'lumotlarga koʻra, UFC reytinglari 22 ta resurs vakillari tomonidan shakllantiriladi. Biroq ushbu roʻyxatdagi ishtirokchilarning deyarli yarmi aralash yakkakurashlarni yoritmaydi yoki aslida mavjud boʻlmagan «oʻlik jonlar» hisoblanadi. Shu bilan birga, dunyodagi birorta ham taniqli MMA sport sharhlovchisi mazkur tashkilotning eng yaxshi jangchilar roʻyxatini tuzishda ishtirok etmaydi.

Mazkur holat Dana Uaytga reytingni muntazam ravishda tanqid qilishiga va uning adolatsizligidan norozi boʻlishiga monelik qilmaydi. Jumladan, u ogʻir vazn toifasidagi amaldagi UFC chempioni Jon Jons tashkilotning eng yaxshi jangchilari roʻyxatida (vazn toifasidan qat'i nazar) birinchi oʻrinni egallab turmaganidan qattiq gʻazoblanishini bir necha bor ta'kidlagan.