«Chelsi» Kundening o‘rniga boshqa himoyachi qidirmoqda 🔵

Londonning «Chelsi» klubi transfer bozoridagi rejalarini o‘zgartirishga majbur bo‘lmoqda. Jamoa rahbariyati «Sevilya»ning fransuz futbolchisi Jyul Kundening transferi borasida yakuniy kelishuvga erisha olmagach, boshqa nomzidlarni ko‘rib chiqishni boshladi. 90min nashri tarqatgan ma'lumotlarga ko‘ra, endilikda «aristokratlar» e'tiborini «Vilyarreal»ning ispaniyalik himoyachisi Pau Torresga qaratgan.

24 yoshli futbolchi o‘zining ishonchli o‘yinlari evaziga ingliz klubining jiddiy qiziqishini uyg‘otgan. Ma'lumki, Torres 2018 yilning iyul oyidan buyon «Vilyarreal» safida to‘p surib kelmoqda. Uning klub bilan amaldagi shartnomasi muddati yana uch mavsumni o‘z ichiga oladi, bu esa transfer narxiga ham o‘z ta'sirini ko‘rsatishi mumkin.

Joriy mavsumda ispaniyalik himoyachi o‘z jamoasi safida milliy chempionat doirasida uchta uchrashuvda maydonga tushdi. «Chelsi» rahbariyati himoya chizig‘ini kuchaytirish uchun boshqa qanot himoyachisi variantlarini ham o‘rganmoqda va Torres bu borada asosiy nomzidlardan biri bo‘lib turibdi.