BOE IPC 2024 ko'rgazmasi yangiliklari 🖥

Sentyabr oyining boshida KROK kompaniyasining multimedia yechimlari bo'yicha ekspertlari dunyodagi eng yirik displey matritsalarini ishlab chiqaruvchilardan biri bo'lgan BOE tomonidan Pekinda tashkil etilgan BOE Innovation Partner Conference 2024 ko'rgazmasiga tashrif buyurishdi. Ushbu anjuman yaqin besh yil ichida global bozorga kirib keladigan real mahsulotlarni namoyish etishi bilan ahamiyatlidir. Qayd etish joizki, dunyodagi barcha yassi panel displey matritsalarining chorak qismidan ko'prog'i aynan shu kompaniya hissatsiga to'g'ri keladi va mashhur brendlarning smartfon hamda planshetlarida uning mahsulotlari ishlatiladi.

So'nggi yillarda kompaniya LED ekranlar ishlab chiqarish yo'nalishini ham jadal rivojlantirmoqda. Ko'rgazmada avtomobilsozlik sanoati uchun mo'ljallangan qator qo'shma yechimlar taqdim etildi. Xususan, Zeekr, XPeng, Geely va NIO kabi yirik Xitoy brendlari bilan hamkorlikdagi ishlanmalar namoyish etildi, shuningdek, kompaniya matritsalari Yevropa avtomobillarida ham qo'llanilishi ta'kidlandi.

Tдdbirning eng e'tiborga molik jihatlaridan biri 0,3 millimetrlik o'ta kichik piksel qadamiga ega innovatsion LED transformer ekran bo'ldi. Bozorda odatiy bo'lgan 0,9 mm yoki undan yuqori qiymatlardan farqli o'laroq, bu texnologiya har qanday o'lchamdagi ulkan ekranlarni yig'ish imkonini beradi. Shuningdek, haydovchi va yo'lovchi zonalari uchun mo'ljallangan turli o'lchamdagi egiluvchan va transformatsiyalanuvchi OLED displeylar hamda Geely Galaxy E8 avtomobilidagi 45 dyuymli 8K formatdagi yagona ekran taqdim etildi.

Ko'rgazmada transport va me'morchilik uchun mo'ljallangan boshqa qiziqarli ishlanmalar ham ko'rsatildi. Jumladan, bo'yoq suyuq kristalli texnologiyasiga asoslangan aqlli derazalar va tonirovka tizimlari namoyish etildi. Ushbu yechim hech qanday cheklovlarsiz va kechikishlarsiz ishlaydi hamda atigi 12 volt kuchlanish talab qiladi. Mazkur texnologiya Pekindagi kutubxonalardan birining atriumi tomida va aprel oyida taqdim etilgan Zeekr 009 Glory avtomobilida muvaffaqiyatli qo'llanilgan.