Fransiyada iPhone 12 sotuvi taqiqlandi 📱

Fransiya hukumati radiatsiya emissiyasi qonuniy me'yorlardan yuqori ekanligi aniqlangani sababli Apple kompaniyasining iPhone 12 smartfonlarini sotishni rasman taqiqladi. Mamlakatning tegishli nazorat idorasi o'tkazgan o'lchov ishlariga ko'ra, mazkur telefonlarning o'ziga xos nurlanish tezligi (SAR) ko'rsatkichi qo'lda ishlatilganda belgilangan 4 Vt/kg chegaradan sezilarli darajada oshib, 5,74 Vt/kg ni tashkil etgan. Shu bilan birga, tana yaqinida olib yurilganda qo'yiladigan 2 Vt/kg lixmit darajasi buzilmagani ma'lum qilindi.

Fransiya radiatsiya nazorati agentligining ma'lumot qilishicha, aniqlangan yuqori ko'rsatkichlar aynan qo'llarda foydalanish holatiga to'g'ri keladi. Ushbu tekshiruvlar natijasida iPhone 12 qurilmalari ishlatilayotgan vaqtda ruxsat etilganidan ortiqcha nurlanish tarqatishi tasdiqlandi. Hozirgi vaqtda Apple oldida jiddiy talab turibdi: kompaniya shu hafta davomida savdoda qolgan smartfonlarni qaytarib olishi yoki nurlanish darajasini pasaytirish uchun maxsus dasturiy ta'minot yangilanishini chiqarishi shart. Aks holda, davlat organlari vaziyatga aralashib, qat'iy choralarni ko'radi.

Qizig'i shundaki, mazkur gadjetlar bozorga chiqarilishidan avval o'tkazilgan sinovlar barcha qoidalarga to'liq mos kelgan. Shu sababli, nurlanish quvvatining keyinchalik oshib ketishi smartfonning foydalanish davomida o'rnatilgan qandaydir dasturiy yangilanishlar bilan bog'liq bo'lishi mumkinligi taxmin qilinmoqda.

Mutaxassislarning fikricha, yuzaga kelgan bu holat oxir-oqibat foydalanuvchilarning sog'lig'iga real xavf tug'dirmaydi. Qonunchilikda belgilangan qat'iy cheklov chegaralari inson salomatligiga salbiy ta'sir ko'rsatishi mumkin bo'lgan xavfli darajadan naq o'n barobar pastroq qilib belgilangan.