16 yoshli o'smir o'z onasini o'ldirdi 🚨

Toshkent viloyatida sodir etilgan og'ir jinoyat yuzasidan rasmiy ma'lumotlar e'lon qilindi. Bosh prokuratura matbuot xizmatining xabar berishicha, 16 yoshli o'smir va uning sheriklariga nisbatan jinoyat ishi qo'zg'atilgan.

Ma'lum bo'lishicha, joriy yilning 31-iyul kuni soat 21:00 larda 2006-yilda tug'ilgan bola o'z yashash xonadonida onasi bilan oilaviy kelishmovchilik oqibatida janjallashib qolgan. Shundan so'ng u ayolni qasddan o'ldirish maqsadida o'zining ikki nafar voyaga yetmagan tanishini uyiga yordam berish uchun chaqirgan.

Jinoyatni amalga oshirish jarayonida voyaga yetmagan shaxslar birgalikda onasini qasddan o'ldirishgan. Jinoyat izlarini yashirish uchun esa marhumaning jasadini o'zlari yashayotgan uyning yerto'lasiga ko'mib qo'yishgan.

Mazkur holat yuzasidan O'zbekiston Respublikasi Jinoyat kodeksining 97-moddasi 1-qismi bilan, ya'ni qasddan odam o'ldirish alomatlari bo'yicha jinoyat ishi rasman qo'zg'atilgan. Hozirgi vaqtda ish bo'yicha gumon qilinayotgan shaxslar protsessual tartibda ushlangan va tergov harakatlari olib borilmoqda.