Parijda Abay kuni nishonlandi 🇰🇿

Fransiya poytaxti Parij shahrida buyuk shoir va mutafakkir Abay tavallud kuni munosabati bilan maxsus tadbir tashkil etildi. Unda Qozog'iston milliy terma jamoasining sportchilari ham qatnashib, shoir byusti poyiga gullar qo'yishdi. Ishtirokchilarning so'zlariga ko'ra, mazkur uchrashuv butun Olimpiada musobaqalari davomidagi eng ta'sirli va unutilmas lahzalardan biriga aylandi.

Tadbir yakunida yig'ilgan jamoat vakillari va atletlar buyuk shoirning eng mashhur «Kozimnin qarasi» qo'shig'ini birgalikda ijro etishdi. Bu kabi madaniy tadbirlar xalqaro miqyosda ham katta ahamiyatga ega ekanligi qayd etildi.

Xususan, Qozog'istonning YUNESKOdagi doimiy vakili Asqar Abdraxmonov Abay merosi xalqaro darajada, jumladan, YUNESKO doirasida ham yaxshi tanilishini ta'kidladi. Uning aytishicha, xalqaro hamjamiyat qozoq madaniyatining jahon madaniyatiga qo'shgan hissasini yuqori baholaydi.

Olimpiadada qatnashayotgan taekvondo bo'yicha terma jamoa а'zosi Batirxon Toleugali ham o'z taassurotlari bilan o'rtoqlashdi. Uning so'zlariga ko'ra, sportchilar musobaqa uchun kelgan vaqtida buyuk shoirning tug'ilgan kunini nishonlash kabi quvonchli voqeaning ustidan chiqqanidan mamnun bo'lishgan.