Netflix reklamli tarifeti 70 mln foydalanuvchiga yetdi 📈

Netflix kompaniyasi o‘zining reklama ko‘rsatiladigan obuna xizmati dunyo bo‘ylab jami 70 million foydalanuvchini qamrab olganini rasman ma’lum qildi. Eslatib o‘tamiz, joriy yilning may oyida e’lon qilingan ko‘rsatkichlar bundan ancha past edi.

Ushbu arzonlashtirilgan tarif rejasining bunday yuqori sur’atlarda o‘sishi mutaxassislar uchun kutilmagan holat bo‘lmadi. Xorijiy bozorlar uchun mo‘ljallangan mazkur xizmat foydalanuvchilarga qulay narxlar bilan bir қаtorda, yaxshilangan tasvir sifatini hamda bir vaqtning o‘zida ikkita qurilmada ko‘rish imkoniyatini taqdim etmoqda.

Kompaniya ma’lumotlariga ko‘ra, obunachilar platformada kuniga o‘rtacha ikki soat vaqt o‘tkazishadi. Bundan tashqari, o‘tgan oyda e’lon qilingan moliyaviy hisobot natijalariga ko‘ra, Netflix o‘z abonentlari sonini yana 5 million nafarga oshirib, global miqyosdagi jami obunachilar sonini 282,7 millionga yetkazganini ma’lum qilgan edi.