📱 Nega Apple aynan hozir buklanuvchi telefon chiqardi?

Apple kompaniyasining yangi bosh direktori Jon Ternus va marketing bo'yicha katta vitse-prezidenti Greg Josviak taqdimotdan so'ng bergan intervyusida nima sababdan aynan hozir buklanuvchi smartfonlar bozoriga qadam qo'yilganini tushuntirib berishdi. Ularning so'zlariga ko'ra, kompaniya har doim yuqori sifat va chidamlilik standartlariga javob beradigan g'oyani kutgan va yangi iPhone Duo aynan apparat hamda dasturiy ta'minotning mukammal uyg'unligi tufayli yaratilgan.

Ternusning ta'kidlashicha, mazkur mahsulotni ishlab chiqish jarayonida dizayn, dastur va qurilmaning o'zi tubdan qayta ko'rib chiqilgan. Shuningdek, u bozordagi boshqa raqobatchilarning buklanuvchi telefonlarini tanqid qilib, ularning ekranlari plastmassadan yasalgani, yoqimsizligi hamda yuzasida buklanmalar va to'lqinsimon joylar borligini qayd etib o'tdi.

Josviak esa boshqa kompaniyalar nima uchun ulardan oldin shunday formatdagi qurilmalarni chiqarganiga izoh berdi. Uning so'zlariga ko'ra, tarqalgan sizdirilgan ma'lumotlar orqali boshqalar ekran o'lchamlarini bilib olgan va shundan so'ng Samsung, Huawei hamda Xiaomi kabi brendlar ham shu formatga qiziqib qolgan. Biroq Apple eng muhim jihatni sir saqlashga muvaffaq bo'lgan.

Gap nafaqat noyob buklanuvchi ekran, balki uning nanoteksturali qoplami haqida bormoqda. Josviak bu ma'lumotni oxirigacha sir saqlagani bilan faxrlanishini aytdi. Intervyu yakunida Jon Ternus kompaniyaga rahbar etib taylangani uning uchun ulkan sharaf ekanini va bu yerda o'z hayotining yarmini o'tkazganini ta'kidladi.