Camila Cabello yuz terisi sirlari 🥚

Mashhur qo'shiqchi Camila Cabello o'zining go'zalligi va terisini parvarish qilish sirlari bilan o'rtoqlashdi. Xonandaning so'zlariga ko'ra, u va onasi yuz teshikchalarini kichraytirish maqsadida tuxum oqidan foydalanishadi. "Men va onam tuxum oqini yuzga surish orqali teshikchalarni kichraytiramiz", deya tushuntirdi ijrochi.

"Havana" xiti ijrochisi teriga ham ichki, ham tashqi tomondan g'amxo'rlik qilish muhimligiga ishonadi. Shu sababli u har kuni yetarli miqdorda suv ichadi va qanchalik charchaganidan qat'i nazar, har kecha uxlashdan oldin yuzini yuvib tozalaydi. "Terini parvarish qilish, ko'p suv ichish va qanchalik charchaganingizdan qat'iy nazar uxlashdan oldin doimo yuzni yuvish kerak", dedi u.

Kubalik pop yulduzi musiqa olamidagi eng didli ayollardan biri sifatida e'tirof etiladi. Biroq uning o'zi dastlab makiyaj sir-asrorlarini yaxshi bilmaganini tan oldi. U faqatgina "The X Factor USA" loyihasi uchun sinovlardan o'tgachgina go'zallik va tashqi ko'rinishga jiddiy yondasha boshlaganini ta'kidladi.