Rossiyada kripto-hisoblar uchun soliq raqami shart 🇷🇺

Rossiyada raqamli aktivlar bozorini tartibga solish va nazoratni kuchaytirish doirasida raqamli depozitariylarda hisob ochish uchun soliq identifikatsiya raqamini taqdim etish majburiy etib belgilandi. Ushbu o‘zgarish mamlakatda kriptovalyutalar aylanmasini nazorat qilish va shaffoflikni ta'minlashga qaratilgan chora-tadbirlar qatoriga kiradi.

Rosfinmonitoring vakili Vlada Grachevaning ma'lum qilishicha, mijozlar raqamli depozitariydan hisob ochayotganda o‘zlarining INN raqamini taqdim etishlari shart bo‘ladi. Odatdagi bank hisoblarini ochishda bunday talab doim ham qo‘yilmasa-da, yangi qoidaga ko‘ra soliq raqami kripto-hisoblar uchun majburiy identifikatorga aylandi. Ushbu chora pul yuvishga qarshi kurashish tizimining muhim qismi hisoblanadi.

Eslatib o‘tamiz, Rossiyada kriptovalyuta savdosi, saqlashi va xalqaro hisob-kitoblarini tartibga soluvchi ilk keng qamrovli qonunchilik bazasi sentabr oyidan boshlab amal qila boshlagan edi. Raqamli depozitariylar mijozlarning kriptovalyutalari va raqamli huquqlarini qayd etishda asosiy rol o‘ynaydi. Markaziy bank iyul oyidayoq depozitariylar va birjalar uchun q qoidalar loyihasini taklif qilgan edi.

Yangi qoidalarga ko‘ra, raqamli depozitariylar va raqamli moliyaviy aktivlarni chiqaruvchi operatorlarga anonim shaxslar yoki soxta nomlardan foydalanuvchilar uchun hisob ochish qat'iyan taqiqlanadi. Shuningdek, 60 ming rubldan yuqori bo‘lgan tranzaksiyalar amalga oshirilganda, ishtirokchilar haqidagi batafsil ma'lumotlar, jumladan to‘lovchining to‘liq ismi va hamyon raqami yig‘ilib, taqdim etilishi talab etiladi.