Farg‘ona viloyatida 4 egizak tug‘ildi 👶

Farg‘ona viloyatida quvonchli voqea qayd etildi. Farg‘ona shahridagi «Xo‘jamag‘iz» mahalla fuqarolar yig‘inida istiqomat qiluvchi G‘anijon Odilov oilasida bir yo‘la to‘rt nafar farzand dunyoga keldi. O‘zA xabariga ko‘ra, dunyoga kelgan chaqaloqlarning uchtasi o‘g‘il va biri qiz bola ekanligi ma'lum bo‘ldi.

Tug‘ilgan chaqaloqlar va ularning onasining umumiy ahvoli hozirda yaxshi baholanmoqda. Shunga qaramasdan, shifokorlar tomonidan ularning salomatligi doimiy tibbiy nazoratga olingan bo‘lib, zarur e'tibor qaratilmoqda.

Oila bekasi Munavvarxon Odilovaning so‘zlariga ko‘ra, ular bungacha 2016 va 2018 yillarda ham farzandli bo‘lishgan va ularning kattalari qizlar bo‘lgan. Hozirda esa ota-ona uch o‘g‘il va uch qizning baxtli ota-onasiga aylanishganidan mamnun ekanliklarini bildirib, shifokorlarga o‘z minnatdorchiligini izhor etgan.

Baxtli ota-ona yangi tug‘ilgan chaqaloqlarga To‘lqinboy, Abdukarim, Abduhakim va Zilola deb ism qo‘yishdi. Quvonchli tadbir munosabati bilan shahar FHDYO organi xodimlari tug‘ruqxonaga maxsus tashrif buyurishdi.

Tashrif davomida xodimlar tomonidan chaqaloqlarning tug‘ilganlik to‘g‘risidagi rasmiy guvohnomalari ota-onalarga tantanali vaziyatda topshirildi. Ushbu xushxabar hudud aholisi va yaqinlarida katta quvonch uyg‘otdi.