Dallas shahrida joylashgan Strive kompaniyasi o'tgan haftada o'zining korporativ aktivlarini sezilarli darajada kengaytirib, yirik miqdordagi raqamli aktivlarni xarid qildi. AQSh Qimmatli qog'ozlar va birjalar komissiyasiga taqdim etilgan 8-K shaklidagi hisobotga ko'ra, tashkilot 31-avgustdan 4-sentabrgacha bo'lgan davrda 1,375 ta Bitcoin sotib olish uchun qariyb 109 million dollar sarflagan. Shu tariqa, kompaniyaning umumiy balansidagi kriptovalyuta zaxirasi 24,531 BTC ga yetdi. Xaridlar davomida bitta Bitcoin uchun barcha xarajatlar bilan birga o'rtacha 79,281 dollar to'langan. Avvalroq, 24-28-avgust kunlari Strive 143 million dollarga 1,800 ta Bitcoin xarid qilgan edi. Shunday qilib, ikki haftalik hisobot davrida kompaniya jami 252 million dollar evaziga 3,175 ta Bitcoin sotib oldi. Oxirgi xarid natijasida uning kriptovalyuta balansining haftalik o'sishi taxminan 5,9 foizni tashkil etdi. Ushbu ko'rsatkichlar kompaniyani ommaviy aksiyadorlik jamiyatlari orasida eng yirik Bitcoin egalaridan biriga aylantirgan. Kompaniya bosh direktori Mett Koulning so'zlariga ko'ra, haft davomida jalb qilingan mablag'larning qariyb 70 foizi Strive kompaniyasining SATA imtiyozli aksiyalarini sotish hisobidan tushgan. Taqdim etilgan ma'lumotlarga ko'ra, juma kuniga kelib muomaladagi SATA aksiyalari soni 921,511 taga ko'payib, jami 9,995,425 taga yetgan. Ushbu qimmatli qog'oz ma'lum bir muddatga ega bo'lmagan va o'zgaruvchan dividend to'laydigan Variable Rate Series A Perpetual Preferred Stock aksiyasi hisoblanadi. Hisobot davrida kompaniyaning naqd pul va uning ekvivalentlari 19,1 million dollarga oshib, 202.6 million dollarni tashkil qildi. 9-sentabr holatiga ko'ra Bitcoin kursi 79,300 dollar atrofida savdo qilingan va bu narxda Strive egalik qilayotgan kriptovalyutalarning umumiy bozor qiymati qariyb 1.95 milliard dollarga teng bo'lishi mumkin edi. Biroq, SEC hujjatlarida barcha tangalar uchun umumiy xarid qiymati va ul saqlanayotgan hamyonlar haqidagi ma'lumotlar keltirilmagan.