ARM va x86 arxitekturasi qarama-qarshiligi 📱

So'nggi yillarda ARM va x86 arxitekturasi o'rtasidagi chegara yo'qolib bormoqda. Ilgarilari ARM mobil qurilmalar, x86 esa kompyuterlar uchun mo'ljallangan deb hisoblanardi. Intel ham o'tmishda Atom protsessorlari bilan mobil segmentga kirishga urinib ko'rgan, hatto 2002-yilda XScale deb nomlangan o'zining ARM protsessorlariga ham ega bo'lgan, biroq keyinchalik bu yo'nalishni sotib yuborgan edi. Bugungi kunga kelib esa ARM nafaqat telefon va planshetlarda, balki ma'lumotlar markazlari hamda noutbuklarda ham x86 protsessorlariga munosib raqobat qilmoqda. Texnik jihatdan ARM – bu RISC (qisqartirilgan buyruqlar to'plami), x86 esa CISC arxitekturasiga asoslanadi 💻. Ularning farqi protsessor bajaradigan buyruqlarni qayta ishlash usulidadir.