📱 Samsung Galaxy A58 5G kameralari oshkor bo'ldi

Samsung kompaniyasi kelgusi yillarda bozorga chiqariladigan yangi avlod o'rta sinf smartfonlari ustida faol ish olib bormoqda. Xususan, 2027-yilda Galaxy S27 flagman seriyasi namoyish etilganidan so'ng taqdim etilishi rejalashtirilgan Galaxy A38 va Galaxy A58 5G modellari tayyorgarlik jarayonida. Yaqinda ishonchli manbalardan biri bo'lgan GalaxyClub orqali bo'lg'usi Galaxy A58 5G smartfonining kamera imkoniyatlariga oid dastlabki ma'lumotlar oshkor qilindi.

Ma'lum bo'lishicha, ushbu modelning optik imkoniyatlari katta yangiliklarni taqdim etmaydi. Smartfon 50 megapikselli asosiy kamera, 12 megapikselli keng burchakli datchik hamda 5 megapikselli makro obyektiv bilan jihozlanishi kutilmoqda. Old panelda esa o'zini yaxshi tomondan ko'rsatgan 12 megapikselli sèLfi kamera saqlanib qoladi. Biroq, $600 dan qimmat turishi kutilayotgan va flagmanlarga yaqin narxga ega bo'lgan qurilmada telefoto obyektivning yo'qligi hamda 2020-yildagi Galaxy A51 modelidan beri ishlatilib kelinayotgan eskirgan makro datchik saqlanib qolgani tanqidlarga sabab bo'lmoqda.

Shu bilan birga, Janubiy Koreya texnologiya giganti Hindiston bozorida yangi Galaxy F70 5G byudjet smartfonini ham sotuvga chiqardi. Ushbu qurilma 17 999 hind rupiyasi narxida taqdim etilgan bo'lib, xotira tanqisligiga qaramay hamyonbop bo'lib qolmoqda. Smartfon sAMOLED+ texnologiyasiga asoslangan, 90 Gts yanglanish chastotasiga ega 6,7 dyuymli FHD+ ekran, Corning Gorilla Glass Victus himoya oynasi va Exynos 1330 protsessori bilan jihozlangan.

Galaxy F70 5G modeli OIS qo'llab-quvvatlaydigan 50 MP asosiy, 5 MP keng burchakli, 2 MP makro va 13 MP old kamera sensorlarini o'z ichiga oladi. Shuningdek, foydalanuvchilarga Google bilan hamkorlikdagi Gemini va Circle to Search kabi sun'iy intellekt vositalari taqdim etiladi. Flipkart va Samsung orqali sotuvga chiqariladigan telefon 5000 mA/soat sig'imli batareya hamda 25 vattli quvvatlash adapteri bilan ta'minlangan.