Honor Pad 10 plansheti 5G va Snapdragon bilan chiqdi 📱

Rossiya bozorida Honor Pad 10 planshetining yangi 5G versiyasi sotuvga chiqdi. Ushbu qurilma o'zining kengaytirilgan imkoniyatlari hamda ish va ko'ngilochar vazifalar uchun mo'ljallangan qo'shimcha aksessuarlarni qo'llab-quvvatlashi bilan e'tiborni tortadi.

Model 12,1 dyuymli Honor Eye Comfort ekrani bilan ta'minlangan bo'lib, uning foydali maydoni 88 foizni tashkil qiladi. Displey 2,5K piksellar soniga va 120 Gts yangilanish chastotasiga ega, shuningdek, u 96 foiz NTSC va 133 foiz sRGB rang qamrovini taqdim etadi. Planshetdagi asosiy vazifalarni bajarish uchun o'rnatilgan 5G modemli Snapdragon 7 Gen 3 chipi o'rnatilgan.

Qurilmaning akkumulyator sig'imi 10 100 mA/soatni tashkil etadi. U to'plamdagi blok orqali 35 vattli yoki yanada quvvatli Honor SuperCharge adapterlari yordamida 66 vattgacha quvvat olishni qo'llab-quvvatlaydi. Oltita dinamik va Honor Spatial Audio texnologiyasi esa ovozning sifatli chiqishini ta'minlaydi.

Honor Pad 10 5G kulrang rangda sotuvga chiqarilgan. Qurilmaning 8 va 128 Gb xotirali konfiguratsiyasi 36 990 rubldan, 8 va 256 Gb versiyasi esa 32 990 rubldan baholangan. Shuningdek, chexol-klaviatura jamlanmasi 44 990 rublni tashkil qiladi. 26-avgustdan 15-sentyabrgacha maxsus aksiya doirasida planshet narxidan 4000 rubl, klaviaturali jamlanma narxidan esa 5000 rubl chegirma beriladi.